लाइसेन्स वितरण सेवा फेरि राेकियाे

काठमाडौं । लाइसेन्स सेवा पुन अवरुद्ध भएकाे छ । यातायात व्यवस्था विभागको डेटा सेन्टरमा पुनः समस्या देखिएपछि सेवा अवरुद्ध भएकाे हाे । गत १६ कात्तिकबाट आंशिक रुपमा खुलेको थियाे ।

इलेक्ट्रोनिक ड्राइभिङ लाइसेन्स तथा नयाँ लाइसेन्सका लागि आवेदन दिने प्रणाली आजबाट अर्को सूचना जारी नभएसम्म बन्द भएको विभागले जनाएको छ ।

२३ र २४ भदौको आन्दोलनका कारण विभागमा ठूलो क्षति पुगेसँगै लाइसेन्ससँग सम्बन्धित सेवाहरू अवरुद्ध भएका थिए ।

विभागका अनुसार १६ कात्तिकबाट आंशिक सञ्चालनमा आएको डेटा सेन्टरमा फेरि समस्याका कारण अर्काे सूचना जारी नभएसम्मका लागि पुनः अवरुद्ध भएको हो ।