बिहारमा सत्तारुढ गठबन्धनकाे अग्रता

काठमाडाैं । बिहार बिधानसभाकाे २४३ निर्वाचन क्षेत्रको मतगणना जारी छ । अधिकांश निर्वाचन क्षेत्रको मतगणना बिहान ८ बजेदेखि सुरू भएको हाे ।

मतगणनाको प्रारम्भिक नतिजा सार्वजनिक भइरहेका छन् । प्रारम्भिक नतिजामा भारतीय जनता पार्टी (भाजपा) र जनता दल युनाइटेड (जेडियू)ले अग्रता बढाएकाे  छ ।

बहुमतका लागि १२२ सिट जित्नुपर्छ । एनडिएले बहुमत सिटमा अग्रता लिइरहेको छ ।

महागठबन्धन भने प्रारम्भिक चरणमै धेरै पछि परेको छ। यो गठबन्धनमा राष्ट्रिय जनता दल (आरजेडी), कंग्रेस, भारतीय कम्युनिस्ट पार्टी, कम्युनिस्ट पार्टी अफ इन्डिया (मार्क्सवादी), कम्युनिस्ट पार्टी अफ इन्डिया (माले) र विकासशील इन्सान पार्टी सामेल छन् ।

महागठबन्धनले बिहारका चर्चित नेता लालुप्रसाद यादवका कान्छा छोरा ३५ वर्षीय तेजस्वी यादवलाई मुख्यमन्त्री घोषणा गरेर चुनाव लडेको थियो । प्रारम्भिक नतिजाअनुसार महागठबन्धनले ६८ सिटमा अग्रता लिएको छ । पहिलोपटक चुनाव लडेको जनसुराज पार्टीले २ सिट र अन्य दलहरुले १२ सिटमा अग्रता लिएका छन्।