माओवादी केन्द्र संसदीय दलका नेता चढ्ने गाडी दुर्घटना, एक जनाको मृत्यु

विराटनगर । नेकपा (माओवादी केन्द्र) कोशी प्रदेश संसदीय दलका नेता  इन्द्रबहादुर आङ्बो चढ्दै आएको गाडी दुर्घटना हुँदा एक जनाको मृत्यु भएको छ । आङ्बो चढ्दै आएको  को १ झ ६५० नम्बरको सरकारी गाडी मोटरसाइकलसँग ठोक्किएर दुर्घटना हुँदा एक जनाको मृत्यु भएको हो ।

दुर्घटना भएका बेला आङ्बो भने गाडीमा थिएनन् ।

प्रहरीका अनुसार बिहीबार दिउँसो विराटनगरबाट बेलबारी तर्फ जाने क्रममा ग्रामथान–५ ककडमाडीमा बाटो क्रस गर्दै गरेको को ९ प ७९ नम्बरको मोटरसाइकलाई  ठक्कर दिएको थियो । ठक्करबाट ग्रामथान गाउँपालिका–५ का ३५ वर्षीय प्रवेश चौधरी गम्भीर घाइते भएका थिए ।  उनको उपचारका क्रममा  विराट नर्सिङ होममा  मृत्यु भएको हो ।

गाडी र चालक पाँचथरको फाल्गुनन्द गाउँपालिका–१ का ४० वर्षीय गम्भीरमान सार्कीलाई प्रहरीले पक्राउ गरेको छ । गम्भीरमान आङ्बोका स्वकीय हुन् ।