निवर्तमान आईजीपी खापुङलाई काठमाडाैं छाड्न रोक

काठमाडौं । निवर्तमान आईजीपी चन्द्रकुवेर खापुङलाई काठमाडाैं छाड्न रोक लागेकाे छ ।

२३ र २४ भदौको घटनाका बारेमा छानबिन गर्न बनेको उच्चस्तरीय जाँचबुझ आयोगले उनलाई काठमाडाैं उपत्यका छाड्न राेक लगाएकाे हाे । खापुङ बुधबारबाट अवकासमा गएका थिए ।

आयोगका प्रवक्ता विज्ञानराज शर्माले जारी गरेको सूचनामा उल्लेख गरिएको छ,‘आजबाट सेवा निवृत्त हुनु भएकाले प्रहरी महानिरीक्षक चन्द्रकुवेर खापुङलाई जाँचबुझ तथा छानबिनका लागि कुनै पनि समयमा यस आयोगमा उपस्थित हुनुपर्ने हुँदा आजैदेखि लागु हुनेगरी निजको विदेश भ्रमणमा रोक लगाउने र आयोगको स्वीकृती बेगर काठमाडौं उपत्यका छाड्न नपाउने व्यवस्था गर्नका लागि सम्बन्धित निकायमा पत्राचार गर्ने ।’