प्रचण्ड–माधव नेतृत्वको नेकपामा मिसिँदै भीम रावल

काठमाडौं । नेकपा एमालेबाट निकालिएपछि ‘मातृभूमि राष्ट्रिय जागरण अभियान’ सुरु गरेका पूर्वमन्त्री डाक्टर भीम रावल प्रचण्ड–माधवकुमार नेपाल नेतृत्वको नेपाली कम्युनिस्ट पार्टीमा मिसिँदैछन् । आज उनी नेपाली कम्युनिस्ट पार्टीमा आबद्ध हुनेछन् ।

गत साता भृकुटीमण्डपमा आयोजित १० दलको एकता घोषणा समारोहमै रावललाई पनि आबद्ध गराउने तयारी थियो । कार्यक्रमको मञ्चबाटै प्रचण्डले भीम रावल आउन लागेको बताएका थिए । तर रावलबारे ‘थप छलफल’ आवश्यक रहेको भन्दै त्यतिबेला मिसिने निर्णय गरेका थिएनन् ।

गत आइतबार साँझ प्रचण्ड, माधव नेपाल, प्रकाश ज्वाला, भानुभक्त जोशीलगायतसँग छलफल भएपछि भने रावल नेपाली कम्युनिस्ट पार्टीमा आबद्ध हुन सहमत भएका थिए ।

रावललाई नेपाली कम्युनिस्ट पार्टीमा छैटौं वरीयता दिने सहमति नेताहरुबीच भएको छ ।