बिहारमा दोस्रो चरणको निर्वाचन आज

विराटनगर । बिहारको विधानसभाको दोस्रो तथा अन्तिम चरणको मतदान सुरु भएकाे छ ।

पूर्वी नेपालसँग सीमा जोडिएका जिल्लासहित २० जिल्लाको १२२ विधानसभा निर्वाचन क्षेत्रमा मतदान सुरु भएकाे हाे । निर्वाचनमा १ हजार ३०२ उम्मेदवारले प्रतिस्पर्धा गरिरहेका छन् ।

बिहारको बिधानसभा निर्वाचनका लागि नेपालसँग जोडिएका नाकाहरु बन्द गरिएका छन् । माेरङ सुनसरीकाे सीमा नाका शनिबार बेलुकादेखि शील गरिएको हो । आजको मतदानपछि सीमा नाका खुला हुने जिल्ला प्रशासन कार्यालय माेरङले जनाएकाे छ ।

१२२ क्षेत्रमा  १ करोड ७४ लाख महिलासहित ३ करोड ७० लाखभन्दा बढी मतदाता छन् । मतदानका लागि ४५,३९९ मतदान केन्द्र निर्धारण गरिएको छ ।

नोभेम्बर ६ मा १८ जिल्लाका १२१ निर्वाचन क्षेत्रमा पहिलो चरणको मतदान भएको थियो । मतदानमा ६५.०८ प्रतिशतले मतदान गरेका थिए ।  अन्तिम चरणको मतदानले नयाँ सरकार गठनसँगै बिहारको राजनीतिक भविष्य निर्धारण गर्नेछ ।