एकीकृत समाजवादीको असन्तुष्ट समूहले घनश्याम भूसाललाई तोक्यो संयोजक

काठमाडौं । नेकपा माओवादी केन्द्रसहितकाे पार्टी एकताप्रति असहमति जनाएका नेकपा एकीकृत समाजवादीका नेताहरुले घनश्याम भूसाललाई संयोजक तोकेको छ । भूसाल यसअघि महासचिवको जिम्मेवारीमा थिए ।

शनिबार एकीकृत समाजवादीका ६७ केन्द्रीय सदस्यहरुको भर्चुअल बैठकले पार्टी पुनर्गठन गर्दै तत्कालीन महासचिव भूसाललाई संयोजक तोकेको हो ।

बैठकले मंसिर पहिलो हप्ता राष्ट्रिय भेला आयोजना गर्ने निर्णय पनि गरेको छ ।

अध्यक्ष माधव कुमार नेपाल, सम्मानित नेता झलनाथ खनालसहितको टोलीले नेकपा माओवादी केन्द्रसँग एकता गरे पनि महासचिव भूसाललगायतले एकतामा विमति जनाएका थिए ।