बिरामी बाेक्ने एम्बुलेन्समा गाँजा, दुई जना पक्राउ

विराटनगर । मोरङको जहदा गाउँपालिका-३ बाट गाँजा ओसार पोसारमा प्रयाेग गरिएकाे एम्बुलेससहित प्रहरीले २ जनालाई  पक्राउ गरेको छ ।

बुधबार राति लागूऔषध नियन्त्रण व्यूरो विराटनगर र वडा प्रहरी कार्यालय हाटखोलाबाट खटिएको प्रहरी टोलीले जहदा गाउँपालिका-३ बाट स. १ च ६५६ नम्बरको एम्बुलेन्समा गाँजा बरामद भएकाे हाे ।

चेकजाँचका क्रममा एम्बुलेन्स भित्र कालो रंगको झोलामा ३३ किलो ६१० ग्राम गाँजा बरामद गरेको माेरङ प्रहरीले जनाएकाे छ ।

गाँजा ओसार पोसारमा संलग्न एम्बुलेन्स चालक विराटनगर-५ का ३२ वर्षीय दुर्गाप्रसाद राजवंशी र एम्बुलेन्स संगै रहेका को ३१ प ८८८९ नम्बरको मोटरसाइकल चालक जहदा गाउँपालिका- ३ का ३२ वर्षीय दिलिपकुमार राजवंशीलाई नियन्त्रणमा लिएको छ । दिलिप गाडी स्कटिङ गर्दै अघि बढेकाे अवस्थामा पक्राउ परेका हुन् । दुवैमाथि अनुसन्धान भइरहेकाे प्रहरीले जनाएकाे छ ।