कस्ताे छ आजकाे माैसम ?

काठमाडौं । देशका केही स्थानमा आज बुधबार बदली र वर्षा हुने भएको छ ।  नेपालको पश्चिमी भूभागमा पश्चिमी न्यूनचापीय प्रणालीको आंशिक प्रभाव रहेका कारण बदली र वर्षाको सम्भावना रहेको हो ।

“गण्डकी र कर्णाली प्रदेशमा गएराति फाटफुट वर्षा भएको छ,”मौसमविद् वरुण पौडेलले भने, “दिउँसो पनि यस्तै मौसम हुनेछ ।”

काठमाडौंमा पनि राति फाटफुट भएको उनले जानकारी दिए ।

पश्चिम नेपालका केही स्थानमा भने दिउँसो पनि गएरातिको जस्तै मौसम हुनेछ । केही स्थानमा हल्का वर्षाकाे सम्भावना छ ।

देशका पहाडी भूभागमा साधारणतया बदली रही बाँकी स्थानमा मौसम मुख्यतया सफा रहनेछ । काेशी, बागमती, गण्डकी, कर्णाली र सुदूरपश्चिम प्रदेशका पहाडी तथा हिमाली भूभागकाे केही स्थानमा तथा बाँकी पहाडी तथा हिमाली भूभागका एकदुई स्थानमा हल्का वर्षा र हिमपातको सम्भावना छ ।