नयाँ दल दर्ता गर्दै पूर्वसांसद योगेन्द्र मण्डल

विराटनगर । पूर्वप्रतिनिधिसभा सदस्य योगेन्द्र मण्डलले नयाँ दल दर्ता गर्ने भएका छन् । २०७९ सालको प्रतिनिधिसभा निर्वाचनमा मोरङ क्षेत्र नम्बर – ५ बाट अत्याधिक मतसहित स्वतन्त्र रुपमा निर्वाचित भएका मण्डलले नयाँ दल दर्ता गर्ने तयारी गरेका हुन् ।

प्रतिनिधिसभा सदस्य निर्वाचित भएपछि उनले आफ्ना मतदातासँग छलफल गरेका थिए । मतदाताको सुझाव अनुसार नयाँ दल दर्ता गर्ने भएका हुन् ।

नयाँ दल दर्ता गरी फागुन २१ गतेको निर्वाचनमा जाने उनको तयारी छ ।

विकास अभियान्ताको रुपमा परिचित मण्डलले दर्ता गर्ने तयारी गरेको दलको नाम राष्ट्रिय उर्जाशील पार्टी प्रस्ताव गरिएको छ ।

चुनाव चिन्ह कल राख्ने प्रस्ताव गरिएको छ । २०७९ को निर्वाचनमा उनी कल छाप चुनाव चिन्ह लिएर निर्वाचित भएका थिए । मण्डलले राेजगारी र विकासलाई प्रमुख एजेण्डा बनाएर दल दर्ता गर्ने तयारी गरेको जानकारी दिए ।