सिंघिया खाेलामा बेपत्ता पुरुषकाे शव भेटियाे

विराटनगर । विराटनगर महानगरपालिका – १४ विष्णुटोल नजिक सिघिया खोलामा एक पुरुषको शव फेला परेको छ।

शनिबारदेखि बेपत्ता ३० वर्षीय श्रवणकुमार मण्डलको शव सोमबार बिहान खोलामा फेला परेकाे हाे ।

मण्डल सिघिया खोलामा हराएको भन्दै परिवारले खोजी गरिरहेको थियो ।  घटनाको अनुसन्धान सुरु गरेको मोरङ प्रहरीकी प्रवक्ता डीएसपी कोपिला चुडालले जानकारी दिइन् ।

शवलाई पोस्टमार्टमका लागि विराटनगरस्थित कोशी अस्पताल ल्याइएको प्रहरीले जनाएको छ । घटनाको अनुसन्धान जारी रहेको उनले बताइन् ।