पाँचथरमा वृद्धकाे हत्या, छाेरा पक्राउ

विराटनगर । पाँचथरको हिलिहाङ गाउँपालिका-१ फेदापका ६९ वर्षीय युबराज राईको हत्या भएकाे छ । उनकाे हत्यामा संलग्न भएकाे आराेपमा उनकै छोरा ३१ बर्षीय सन्देश राईलाई प्रहरीले पक्राउ गरेको छ ।

कार्तिक १६ गते बिहान साढे १० बजे सामान्य  विवाद हुँदा सन्देशले काठको मुग्रोले आफ्नै बाबुको शरीरको बिभिन्न भागमा प्रहार गरेका थिए । उनकाे घटनास्थलमा नै मृत्यु भएको थियो ।

घटनाको जानकारी पाएपछि पुगेकाे प्रहरी टोलीले घटनास्थलबाटै सन्देशलाई पक्राउ गरेकाे हाे ।