मोरङ र सुनसरीसहित २५ जिल्लाका प्रमुख जिल्ला अधिकारी फेरिए

विराटनगर । मोरङका प्रमुख जिल्ला अधिकारी इन्द्रदेव यादवको सरुवा भएको छ ।

गृह मन्त्रालयले ३६ सहसचिवहरूको सरुवा गर्दा उनको महाेत्तरी सरुवा भएको हो । ३६ जना सहसचिवलको सरुवा गर्दा २५ जिल्लाका प्रमुख जिल्ला अधिकारी फेरिएका छन् ।

मोरङको प्रमुख जिल्ला अधिकारीको जिम्मेवारीमा युवराज कट्टेल आएका छन् ।

उदयपुरका प्रमुख जिल्ला अधिकारी प्रेमप्रसाद लुईँटेलको धनुषा सरुवा भएको छ । बाँकेमा कार्यरत प्रमुख जिल्ला अधिकारी धर्मराज जोशीलाई उदयपुर पठाइएको छ ।

बर्दियामा कार्यरत सुरेन्द्र पौड्याललाई सिराहा र रौतहटमा कार्यरत विनोद कुमार खड्कालाई धनकुटाको प्रजिअमा सरुवा गरिएको छ । सुनसरीमा बासुदेव घिमिरेलाई सरुवा भएको छ । झापामा शिवराम गेलाललाई पठाइएको छ ।