मन्त्री बन्ने सूचीबाट हट्याे खगेन्द्र सुनार र गणपतिलाल श्रेष्ठको नाम

काठमाडौं । मन्त्री बन्ने सूचीबाट खगेन्द्र सुनार र गणपतिलाल श्रेष्ठकाे नाम हटेकाे छ । श्रम, रोजगार तथा सामाजिक सुरक्षामन्त्रीका लागि खगेन्द्र सुनारको नाम सिफारिस भएकाे थियाे ।

संस्कृति, पर्यटन तथा नागरिक उड्डयन मन्त्रीमा सिफारिस भएका गणपतिलाल श्रेष्ठको पनि शपथ नहुने भएको छ । उनी पनि विवादमा तानिएका थिए ।

उनीहरुलाई तत्काल मन्त्री नबनाउने निर्णयमा प्रधानमन्त्री सुशीला कार्की पुगेकी छन् ।  डा. सुधा शर्मा गौतम, र बब्लु गुप्ताकाे शपथ आज हुनेछ । गौतमलाई स्वास्थ्य तथा जनसंख्या, गुप्तालाई युवा तथा खेलकुद मन्त्रालयको जिम्मेवारी दिने तयारी छ ।