एमाले महाधिवेशन मंसिर २७ देखि

विराटनगर । नेकपा एमालेले ११ औँ महाधिवेशन मंसिर २७ देखि २९ गतेसम्म पोखरामा गर्ने निर्णय गरेकाे छ । केन्द्रीय कमिटी बैठकले मंसिर २७ देखि २९ सम्म महाधिवेशन गर्ने निर्णय गरेको हो । प्रचार विभाग प्रमुख राजेन्द्र गौतमका अनुसार महाधिवेशन पोखरामा हुनेछ ।

बैठकले २२ बुँदे प्रस्ताव पारित गरेको छ । शुक्रबार सम्पन्न एमालेको केन्द्रीय समिति बैठकले २२ बुँदे प्रस्ताव पारित गरेको हो ।

बैठकले चुनावको वातावरण नभएको उल्लेख गर्दै संसद पुनर्स्थापनाको माग पनि गरेको छ ।

केन्द्रीय समिति बैठकमा शुक्रबार अध्यक्ष ओलीले प्रतिनिधिसभा पुनर्स्थापनाको मुद्दा लिएर अगाडि जानुपर्ने प्रस्ताव राखेका थिए । उक्त प्रस्तावमाथि असहमति जनाउँदै शाक्य र ज्ञवालीले फागुन २१ गतेको चुनावमा केन्द्रित भएर पार्टी अगाडि बढ्नुपर्ने धारणा राखेका थिए ।