दुई लाख ५० हजार नाघ्यो सुनको मूल्य

काठमाडौं । नेपाली बजारमा सुनको मूल्य तोलामा २ लाख ५० हजार रुपैयाँ कटेको छ ।

नेपाल सुनचाँदी व्यवसायी महासंघका अनुसार बुधबारको तुलनामा बिहीबार सुनको मूल्य बढ्दै तोलामा २ लाख ५० हजार ९०० रुपैयाँ पुगेको हो ।

यो मूल्य हालसम्मकै उच्च हो ।

बुधवार छापावाल सुन तोलाको २ लाख ४८ हजार ९०० रुपैयाँ थियो । बिहीबार सुनको मूल्य २ हजार रुपैयाँ बढेको हो ।

चाँदीको मूल्य समेत बढेको छ। बुधवार तोलामा ३ हजार २४० रुपैयाँ कायम भएको चाँदीको मूल्य बिहीबार बढेर ३ हजार २७५ रुपैयाँ कायम भएको छ ।