कांग्रेस विशेष महाधिवेशनका लागि दबाब,५४ प्रतिशतले बुझाए हस्ताक्षर

काठमाडौं । नेपाली कांग्रेसको विशेष महाधिवेशन माग गर्दै दुई हजार ४८५ महाधिवेशन प्रतिनिधिको हस्ताक्षरसहितको प्रस्ताव दर्ता भएको छ ।

विशेष महाधिवेशनको प्रस्ताव दर्ता भएसँगै महाधिवेशनका लागि दबाब बढेको छ ।

नियमित महाधिवेशनको बाटो बन्द भएको विशेष महाधिवेशन हस्ताक्षर अभियन्ताले जनाएका छन् ।

उनीहरूले नेपाली कांग्रेसको दर्ता किताब दर्ता नम्बर १०१ मा २४८५ अर्थात् कुल महाधिवेशन प्रतिनिधिको ५४ प्रतिशत हस्ताक्षरसहित प्रस्ताव दर्ताले नियमित महाधिवेशनको बाटो बन्द भएको दाबी गरेका छन् ।

नियमित महाधिवेशनको प्रक्रिया नै सुरु नभएपछि आफूले विशेष अधिकारको प्रयोग गर्दै विशेष महाधिवेशनको मागसहितको निवेदन पार्टी नेतृत्वलाई बुझाएको पार्टीका नेता गुरु घिमिरले जानकारी दिए ।