भारतकाे राजस्थानमा गुडिरहेकाे बसमा आगाे लाग्याे, २० जनाकाे मृत्यु

काठमाडौं । भारतको राजस्थानमा बसमा आगलागी हुँदा २० जनाकाे मृत्यु भएकाे छ ।  जैसलमेरबाट जोधपुरतर्फ जाँदै गरेको  एसी बसमा अचानक आगलागी हुँदा २० जना यात्रुको मृत्यु भएको हाे ।

घटनास्थल पुगेका विधायक प्रताप पुरीले सञ्चारमाध्यमलाई दिएको जानकारी अनुसार बसबाट १९ जनाको शव निकालिएको थियो ।

भारतीय प्रधानमन्त्री नरेन्द्र मोदीले दुर्घटनामा भएको जनहानीप्रति गहिरो दुःख व्यक्त गरेका छन् । सामाजिक सञ्जाल (ट्विटर) मार्फत उनले भनेका छन्, “यस कठिन समयमा मेरो समवेदना प्रभावित व्यक्तिहरू र उनीहरूका परिवारसँग छ। घाइतेहरूको शीघ्र स्वास्थ्यलाभको लागि प्रार्थना गर्दछु।”

प्रधानमन्त्री मोदीले प्रधानमन्त्री राहत कोषबाट मृतकका प्रत्येक परिवारलाई २ लाख भारु र घाइतेहरूलाई ५० हजार भारु क्षतिपूर्ति दिने घोषणा पनि गरेका छन् । आगलागीकाे कारण खुलेकाे छैन ।