बुधबार पनि बढ्यो सुनको मूल्य, कतिमा हुँदैछ कारोबार ?

काठमाडौं । सुनकाे मूल्य बुधबार तोलामा ४ सय रुपैयाँ बढेको छ ।

नेपाल सुनचाँदी व्यवसायी महासंघले बुधबारका लागि सुनको भाउ प्रतितोला २ लाख ४८ हजार ९ सय रुपैयाँ तोकेको छ । यो मंगलबारकाे तुलनामा ४ सय बढी हो ।

मंगलबार २ लाख ४८ हजार ५ सयमा सुनको कारोबार भएको थियो । शुक्रबारयता सुनको मूल्यमा नयाँ रेकर्ड बनिरहेकाे छ । गत शुक्रबार सुन प्रतितोला २ लाख ३५ हजार रुपैयाँमा काराेबार भएकाे थियाे ।

चाँदीको भाउ भने उच्च मूल्य रेकर्डबाट आज घटेको छ । मंगलबार प्रतितोला ३ हजार ३२५ रुपैयाँमा कारोबार भएको चाँदी आज ८५ रुपैयाँ घट्दै ३ हजार २४० मा झरेको महासंघले जनाएक छ ।