बालेन र सुदनविरुद्ध नेविसंघको पनि उजुरी

काठमाडौं । नेपाल विद्यार्थी संघका कार्यकर्ताले काठमाडौं महानगरपालिकाका मेयर बालेन्द्र शाह (बालेन) र हामी नेपाल संस्थाका संयोजक तथा आफूलाई जेनजी अगुवा बताउने सुदन गुरुङविरुद्ध प्रहरीमा उजुरी दिएको छ ।

नेविसंघले जिल्ला प्रहरी परिसर काठमाडौं र ललितपुरमा उजुरी दिएको हो । उजुरी गत भदौ २३ र २४ गते भएको जेनजी युवा आन्दोलनको क्रममा भएको अप्रिय घटनासँग सम्बन्धित छ ।

नेविसंघले उजुरीमार्फत आन्दोलनमा विद्यार्थीहरुलाई उक्साएर आगजनी, तोडफोड र राष्ट्रिय सम्पत्तिमा क्षति पुर्याइएको उल्लेख गरेको छ । कारी तथा निजी सम्पत्तिमा लुटपाटसमेत भएको घटनामा बालेन र सुदनको प्रत्यक्ष वा अप्रत्यक्ष संलग्नता रहेको उजुरीमा जनाइएको छ ।

नेविसंघले दुवै जनाविरुद्ध कानुनी कारबाही हुनुपर्ने माग राखेको छ । नेकपा एमाले निकट विद्यार्थी संगठन अनेरास्ववियुले पनि बालेन र सुदनविरुद्ध उजुरी दिएको छ ।

यसअघि सुदन गुरुङसहितले आन्दोलनमा दमन भएको भन्दै तत्कालीन प्रधानमन्त्री केपी शर्मा ओली, गृहमन्त्री रमेश लेखक र अन्यविरुद्ध उजुरी दिएका थिए । तर कुनै पक्षको उजुरी दर्ता भएको छैन ।