निर्वाचनमा भाग लिन दलहरूलाई प्रधानमन्त्रीकाे गृहकार्य

काठमाडौं । अन्तरिम सरकारकी प्रधानमन्त्री सुशीला कार्कीले राजनीतिक दलहरुलाई निर्वाचनमा भाग लिन आग्रह गरेकी छन् ।

राष्ट्रपति रामचन्द्र पौडेलले आह्वान गरेको संसदमा प्रतिनिधित्व गर्ने दलहरुको बैठकमा प्रधानमन्त्री कार्कीले दलहरुले पनि परिवर्तनलाई आत्मसाथ गर्न  आग्रह गरिन् । उनलेे कसैलाई निषेध गरेर जान नसकिने पनि प्रष्ट पारेकी छन् ।

कार्कीले दलहरूको सहभातिाविना निर्वाचन नहुने विषयमा सरकार प्रष्ट जानकार रहेको भन्दै स्वतन्त्र निष्पक्ष र भयरहित निर्वाचन गराउन सरकारले शान्ति सुरक्षाको प्रवन्ध गर्ने विश्वास दिलाएकी थिइन् ।

प्रधानमन्त्रीले जेनजीहरू  छोरा नाती भएकाले उनीहरूले किन आज यस्तो असंतुष्टि व्यक्त गरे भन्ने बुझेर परिवर्तनलाई आत्मसात गर्दै अगाडि बढ्न दलहरूलाई आग्रह गरेकी थिइन् ।