संविधान संशोधन गर्ने प्रचण्डको प्रस्ताव

काठमाडौं । जेनजी आन्दोलनको म्यान्डेट अनुसार वर्तमान सविधान संशोधन गर्न नेकपा माओवादी केन्द्रका संयोजक पुष्पकमल दाहाल प्रचण्डले प्रस्ताव गरेका छन् ।  संविधानले अहिलेकै रुपमा काम नगर्ने बताउँदै उनले संशोधनको प्रस्ताव गरेका हुन् ।

शुक्रबार राजधानीमा सम्पादकहरूसँगको छलफलका क्रममा उनले यसका लागि राष्ट्रिय सहमति आवश्यक भएको बताए ।

‘यो संविधानले अहिलेकै रुपमा काम गर्दैन, संशोधन–परिमार्जन गरौं,’प्रचण्डले भने,‘ राष्ट्रिय सहमति जुटाउ ।’

उनले राष्ट्रिय स्वाधीनताको विषयमा ठूलो हस्तक्षेप भइरहेको पनि दाबी गरे । ‘राष्ट्रिय स्वाधीनतामा यति ठूलो हस्तक्षेप, स्वाधीनताको विषय पहिले थिएन,’ उनले भने ।

जेनजी आन्दोलनले संविधानको विषयलाई नितान्त नयाँ कोणबाट सोच्नुपर्ने ठाउँमा ल्याइदिएको पनि प्रचण्डले बताए ।

उनको दल माओवादी केन्द्रले संविधान संशोधन गरी प्रत्यक्ष निर्वाचित कार्यकारी राष्ट्रपतिको व्यवस्था हुनुपर्ने यसअघिबाटै बताउँदै आएको बताए ।