महेशपुरमा माेटरसाइकल दुर्घटना हुँदा एक जनाकाे मृत्यु

विराटनगर । बिहीबार बिहान मोरङको कटहरी गाउँपालिका–१ महेशपुरमा मोटरसाइकल दुर्घटना हुँदा चालकको मृत्यु भएको छ ।

पूर्वबाट पश्चिमतर्फ आउँदै गरेको प्रदेश १–०४–००२ प ०४६४ नम्बरको मोटरसाइकल आफैं अनियन्त्रित भएर बिहानकाे राति करिब २ बजेतिर दुर्घटना हुँदा चालक विराटनगर महानगरपालिका–६ का ३५ वर्षीय हरिओम राजवंशीको मृत्यु भएको हो ।

मोटरसाइकल बिजुलीको पोलमा ठोक्किएकाे थियाे ।

दुर्घटनामा  गम्भीर घाइते राजवंशीलाई उपचारका लागि विराटनगरको कोशी अस्पताल पुर्याउनसाथ चिकित्सकले मृत घोषित गरेको प्रहरीले जनाएको छ ।

दुर्घटनामा परेर मोटरसाइकलको पछाडि सवार विराटनगर–६ का ३४ वर्षीय सन्दीप राजवंशी र ३३ वर्षीय वसन्त राजवंशी घाइते भएका छन् । घाइते दुवै जनाकाे  विराट नर्सिङ होममा उपचार भइरहेकाे छ ।