सुनकाे मूल्य ताेलाकाे २ लाख ३८ हजार

काठमाडौं । नेपाली बजारमा आज बुधबार सुनको भाउ प्रति तोला २ हजार ६ सय रुपैयाँ बढेको छ । नेपाल सुनचाँदी व्यवसायी महासंघले आजका लागि प्रतितोला २ लाख ३८ हजार रुपैयाँ तोकेको छ ।

मंगलबार २ लाख ३५ हजार ४ सय रुपैयाँ थियो ।

दशैंपछि सुन तोलामा करिब १५ हजार बढिसकेको छ । दशैंअघि असोज १२ गते २ लाख २३ हजार २ सय रुपैयाँमा सुनको कारोबार भएको थियो ।

अन्तर्राष्ट्रिय बजारमा सुनको भाउले प्रतिऔंस ४ हजार २५ डलर पुगेको छ । आज चाँदीको मूल्य प्रतितोला ५ रुपैयाँ घटेको छ ।

अघिल्लो दिन प्रतितोला २९६० रुपैयाँ रहेको चाँदी आज २९५५ रुपैयाँमा कायम भएको छ ।