बाढी प्रभावितलाई जीवन विकासको सहयोग  

विराटनगर । अविरल वर्षासँगै आएको बाढीका कारण विस्थापित परिवारलाई जीवन विकास लघुवित्त वित्तीय संस्थाले खाद्यान्य सहयोग गरेको छ ।

शनिबार र आइतबारको वर्षासँगै आएको बाढीका कारण मोरङ, झापा, इलाम र सिरहाका विस्थापित परिवारलाई जीवन विकासले सहयोग गरेको हो ।

आइतबार जीवन विकासले विराटनगरको बखरीमा ६०० जना,  झापाको भद्रपुरमा १२० बाढी प्रभावितहरुलाई खाना बनाएर खुवाएको थियो ।

विराटनगरकाे मिल्स माध्यमिक विद्यालयमा पनि राखिएका बाढी प्रभावितलाई खाना खुवाएकाे हाे ।

विराटनगर महानगरपालिका –१२ को सम्पन्न बस्तीबाट विस्तापित भएकाहरुलाई राखिएकै स्थानमा जीवन विकासले खाना खुवाएकाे थियो ।

भद्रपुरमा पनि खाना पकाएर प्रभावितलाई वितरण गरेको थियो ।

इलामको बिब्ल्याटेमा १ परिवार र सिरहाको चोहर्वामा दुई परिवारलाई खाद्यान्य सहयोग गरेको थियो ।

घरदैलोमा पुगेर लघुवित्त सेवा प्रवाह गरिरहेको जीवन विकासले प्रकोप तथा विपदमा सामाजिक अभियान अन्तरगत पीडित परिवारलाई सहयोग गर्दै आएको छ ।