सप्तकोशीमा पानीको बहाव उच्च, सबै ढोका खोलियो, यातायात बन्द

विराटनगर । सप्तकोशी ब्यारेजका ५६ वटै ढोका खोलिएको छ । पानीको बहाव उच्च भएपछि सबै ढोका खोलिएको हो ।

सप्तकोशीमा आइतबार साढे ११ बजे पानीको बहाव ५ लाख १० हजार ९६० क्युसेक पुगेको छ । यो बढ्दो क्रममा छ । पानीको बहाव प्रतिसेकेन्ड ३ लाख ३५ हजार पुगेपछि ब्यारेजका सबै ढोका खोलिएको हो ।

आइतबार बिहानदेखि सप्तकोशीमा पानीको बहावले खतराको तह पार गरेको छ । खतराको तह पार गरेपछि पुलमा आवतजावत बन्द गरिएको छ । कोशी ब्यारेजमा पानीको प्रवाह एक लाख ५० हजार क्युसेक नाघेपछि खतराको सङ्केतस्वरूप रातो बत्ती बाल्ने गरिन्छ ।