प्राधिकरणले ताेक्याे अधिकतम् हवाई भाडादर

काठमाडौं । मनपरि हवाई भाडा लिएको गुनासो पछि नेपाल नागरिक उड्डयन प्राधिकरणले अधिकतम् भाडादर ताेकेकाे छ ।

चाडबाडको समयमा हवाई भाडा महँगो हुने अवस्थालाई मध्यनजर गर्दै नयाँ भाडादर तोकेको हाे ।

प्राधिकरणका अनुसार काठमाडौं विराटनगर अधिकतम् भाडा ९ हजार ७८५ तय भएको छ ।

काठमाडौं भरतपुरको ४ हजार ६४३, काठमाडौं भद्रपुर १२ हजार ११२, जनकपुरको ५ हजार ४७०, पोखराको ६ हजार ६३५ र नेपालगन्जको १३ हजार १०३ रुपैयाँ ताेकेकाे छ  ।

काठमाडौं धनगढीको १७ हजार ५७९, सिमराको ३ हजार ९७८, भैरहवाको ८ हजार ४६१, राजविराजको ८ हजार २१०, सुर्खेतको ९ हजार ३० र तुम्लिङ्टारको ७ हजार ६३० रुपैयाँ तय भएको छ ।