सुनकाे मूल्यमा नयाँ रेकर्ड, कतिँमा हुँदैछ काराेबार ?

काठमाडौं । नेपाली बजारमा सुनकाे मूल्यले नयाँ रेकर्ड बनाएकाे छ । साताको कारोबारको पहिलो दिन सुन तोलामा २ लाख २३ हजार २०० पुगेको छ । याे मूल्य हालसम्मकै उच्च मूल्य हाे ।

नेपाल सुनचाँदी व्यवसायी महासंघका अनुसार छापावाल सुन आइतबार प्रति १० ग्राम भने १ लाख ९१ हजार ३६० रुपैयाँ पुगेको छ ।

यसअघि साताको कारोबारको अन्तिम दिन शुक्रबार भने सुन तोलामा २ लाख २२ हजार ५०० रुपैयाँ कायम भएको थियो ।

शुक्रबार चाँदीकाे मूल्य पनि बढेकाे छ । तोलामा २ हजार ७४० रुपैयाँ कायम भएको चाँदीकाे मूल्य आइतबार बढेर २ हजार ८१० रुपैयाँ कायम भएको महासंघले जनाएको छ ।