वेस्ट इन्डिजविरुद्ध पहिलाे पटक खेल्दै नेपाल

काठमाडौं । नेपाली क्रिकेट टोलीले आज वेस्ट इन्डिजविरुद्ध खेल्दैछ । खेल आज यूएईको शारजहाँस्थित शारजहाँ क्रिकेट रंगशालामा राति ८: १५ बाट सुरु हुनेछ ।

नेपालले टेस्ट राष्ट्रविरुद्ध ट्वान्टी–२० अन्तर्राष्ट्रियमा ९ पटक खेलिसकेको छ  । तर, अहिलेसम्म नेपालले कुनै जित हात पार्न सकेको छैन । वेस्ट इन्डिजविरुद्भ इतिहास रच्ने तयारीमा नेपाल छ ।

नेपालका कप्तान रोहित पौडेलले आजकाे खेल राम्राे हुने बताएका छन् ।

‘आफ्नो बेस्ट क्रिकेट खेल्यो भने जित्न सकिन्छ, टिममा सबैजना सकारात्मक हुनुहुन्छ र मनोबल पनि उच्च छ, हामी शृंखला जित्न सक्छौं भन्ने छ’ उनले भनेका छन् ।

रोहितले यो नेपालको घरेलु शृंखला भएपनि घरेलु मैदानमा नखेलेको हुँदा केही फरक अनुभव हुने बताए ।

वेस्ट इन्डिजका कप्तान अकिल होसेनले पनि नेपालको ऐतिहासिक शृंखलाको हिस्सा हुन पाउँदा खुसी लागेको बताउँदै खेलका लागि उत्साहित रहेको बताए ।

नेपाल र वेस्ट इन्डिजको खेल तालिका

पहिलो खेल : २७ सेप्टेम्बर (११ असोज)- बेलुका ८:१५

दोस्रो खेल : २९ सेप्टेम्बर (१३ असोज)- बेलुका ८:१५

तेस्रो खेल : ३० सेप्टेम्बर (१४ असोज)- बेलुका ८:१५