वर्तमान सरकारले संविधान संशोधन गर्न सक्दैन : प्रधानमन्त्री कार्की

काठमाडौं । अन्तरिम सरकारकी प्रधानमन्त्री सुशीला कार्कीले वर्तमान सरकारले संविधान संशोधन गर्न नसकिने बताएकी छन् ।

बिहीबार राष्ट्रका नाममा सम्बोधन गर्दै उनले वैधानिक प्रक्रियाबाट नै संविधान संशोधन गर्न सकिने बताएकी छिन् ।

संविधान संशोधन वर्तमान अन्तरिम सरकारको कार्यक्षेत्रभन्दा बाहिरको विषय रहेको उनको भनाई छ ।

जेनजी आन्दोलनको माग अनुसार संविधान संशोधन आगामी निर्वाचनबाट आउने संसद्ले गर्नेछ । उनले निर्वाचनमा सहभागी हुन जेनजी पुस्तालगायत सबै सरोकारवाललाई आग्रह पनि गरेकी छन् ।

राष्ट्रको नाममा सम्बोधन गर्दै उनले रोजगारीको सिलसिलामा देशबाहिर रहेका नेपालीलाई विदेशबाटै मतदान गर्नसक्ने सम्भावनाको बारेमा छलफल भइरहेको बताइन् ।

वैदेशिक रोजगारीमा रहेका नेपाली नागरिकको मर्यादित रोजगारी तथा तीनका हकहितको संरक्षण एवं गैर नेपाली नागरिकले उठाएका संविधानसम्मत मागप्रति वर्तमान सरकार सकारात्मक रहेको उनले भनाई छ ।

‘प्रतिनिधिसभाको आगामी निर्वाचनमा उत्साहका साथ भाग लिन पनि उनले आग्रह गरेकी छन् ।