लेनदेन विवादमा इटहरीमा एक जनाको हत्या

विराटनगर । सुनसरीको इटहरीमा लेनदेनको विवादमा एक जनाको हत्या भएको छ ।

इटहरी उपमहानगरपालिका–१६ उब्दीका ४२ वर्षीय रामकुमार चौधरीको कुटपिटबाट मंगलबार राति ११ः२० बजेतिर मृत्यु भएको सुनसरी प्रहरीले जनाएको छ ।

रामकुमारको हत्या गरेको आरोपमा सोही ठाउँका ५५ वर्षीय लाले चौधरी पक्राउ गरेको प्रहरीले जनाएको छ । रामकुमारसँग मंगलबार राति ९ः३० बजेतिर लेनदेनको विषयमा विवाद भएको थियो ।

दुवै जनाबीच विवाद बढ्दै गएपछि लालेले टाउकोमा प्रहार गर्दा गम्भीर घाइते भएका रामकुमारलाई उनकै परिवारले इटहरीको सान्बी सिटी अस्पताल लगे पनि त्यहाँ उपचार सम्भव नभएपछि मोरङको बुढीगंगास्थित विराट टिचिङ अस्पतालमा उपचारकै क्रममा राति नै मृत्यु भएको प्रहरीले जनाएको छ ।