कार्की नेतृत्वकाे सरकारमा ४ मन्त्री थपिए, मन्त्रीमण्डल अझै अपूर्ण

काठमाडाै‌ । सुशीला कार्की नेतृत्वकाे अन्तरिम सरकारमा चार जना मन्त्री थपिएका छन् ।

कार्की नेतृत्वको सरकारमा पूर्वन्यायाधिश अनिल सिन्हा, प्रविधिको क्षेत्रमा काम गरिरहेका महावीर पुन, कृषि विज्ञ मदन परियार र सञ्चारकर्मी जगदिश खरेल मन्त्री बनेका हुन् ।

सिन्हालाई तीन वटा मन्त्रालयको जिम्मेवारी दिइएको छ । उनले उद्योग, वाणिज्य तथा आपूर्ति, कानून न्याय तथा संसदीय मामिला र भूमि व्यवस्था, सहकारी तथा गरिवी निवारण मन्त्रालयको जिम्मेवारी लिएका छन् ।

पून शिक्षा, विज्ञान तथा प्रविधि मन्त्री बनेका छन् । कृषि विज्ञ परियार कृषि तथा पशुपन्छी विकास मन्त्रीको जिम्मेवारी पाएका छन् । सञ्चारकर्मी खरेल सञ्चार तथा सूचना प्रविधि मन्त्री बनेका छन् ।

अर्थमन्त्री रामेश्वर खनाललाई संघीय मामिला तथा सामान्य प्रशासन मन्त्रालयको जिम्मेवारी समेत दिइएको छ ।

गृहमन्त्री ओमप्रकाश अर्यालले कानून मन्त्रालयको जिम्मेवारी नयाँ मन्त्री अनिल सिन्हालाई दिइएको छ । मन्त्री कुलमान घिसिङको जिम्मेवारी भने यथावत् छ । उनले उर्जा, भौतिक पूर्वाधार र शहरी विकास मन्त्रालयको जिम्मेवारी सम्हालिरहेका छन् ।

दोस्रो पटक विस्तार गरिएपनि मन्त्रीमण्डलले पूर्णता भने अझै पाएको छैन । प्रधानमन्त्री सुशीला कार्कीले ९ वटा मन्त्रालयको जिम्मेवारी लिएकी छन ।