मनसुनी वायु कमजाेर हुँदा मध्यम वर्षाकाे सम्भावना

काठमाडौं । हाल मनसुनी वायुको प्रभाव केही कमजोर रहेको छ । स्थानीय वायुको आंशिक प्रभाव छ ।

आज कोशी प्रदेश लगायत देशको पहाडी भू-भागमा साधारणतया बदली रही बाँकी प्रदेशहरूमा आंशिक बदली रहेको छ ।

कोशी प्रदेश, बागमती प्रदेश र लुम्बिनी प्रदेशका एक-दुई स्थानमा हल्का वर्षाकाे सम्भावना छ ।

राति कोशी प्रदेशका केही स्थान, बाँकी पहाडी भू-भागको थोरै स्थानहरूमा तथा तराई भू-भागका एक-दुई स्थानमा मध्यम वर्षाको सम्भावना रहेको छ।