४८ प्रहरी उपरीक्षकको सरुवा : मोरङमा कटवाल

विराटनगर । नेपाल प्रहरीका ४८ जना एसपीको सरुवा भएको छ । प्रहरी प्रधान कार्यालयले ४८ जना प्रहरी उपरीक्षककाे सरुवा गरेकाे हाे ।

सरुवा हुँदा १४ जिल्लाका प्रहरी प्रमुखहरू परिवर्तन भएका छन् ।

जिल्ला प्रहरी कार्यालय मोरङका प्रहरी उपरीक्षक नारायण चिमरियाको सरुवा भएको छ । उनको स्थानमा कवित कटुवाल आएका छन् ।

सुनसरीका प्रहरी प्रमुख सुमनकुमार तिम्सिनाको पनि सरुवा भएकाे छ । उनकाे स्थानमा केवश थेवे आएका छन् ।

सप्तरीमा गौतम कुमार केसी,कास्कीमा नविन कार्की र कैलालीमा नरेन्द्र चन्दलाई पठाइएको छ । प्रहरी महानिरीक्षकको भदौ ३१ को निर्णयअनुसार यो सरुवा गरिएको प्रहरी प्रधान कार्यालयले जनाएको छ ।