कुलमान घिसिङले तीनवटा मन्त्रालयको जिम्मेवारी

काठमाडौं । प्रधानमन्त्री सुशीला कार्की नेतृत्वको सरकारमा कुलमान घिसिङले तीनवटा मन्त्रालयको जिम्मेवारी पाएका छन् ।

नेपाल विद्युत् प्राधिकरणका पूर्वकार्यकारी निर्देशक घिसिङले ऊर्जा, जलस्रोत तथा सिंचाई, भौतिक पूर्वाधार तथा यातायात र सहरी विकास मन्त्रालयको जिम्मेवारी पाएका हुन् ।

घिसिङले दुई पटकसम्म विद्युत प्राधिकरणको नेतृत्व गर्ने अवसर पाए । पहिलोपटक विद्युत प्राधिकरणको कार्यकारी निर्देशक हुँदा उनले मुलुकबाट लोडसेडिङ हटाउने कामको नेतृत्व गरेका थिए ।