चन्द्रकुवेर खापुङ नेपाल प्रहरीको महानिरीक्षकमा नियुक्त

काठमाडौं । सरकारले चन्द्रकुवेर खापुङलाई नेपाल प्रहरीको महानिरीक्षकमा नियुक्त गरेको छ ।

शुक्रबार बसेको मन्त्रिपरिषद्ले १९ गतेदेखि लागू हुने गरी खापुङलाई महानिरीक्षक नियुक्त गरेको हो ।

वर्तमान महानिरीक्षक दिपक थापाले १८ गते राति १२ बजेदेखि अवकाश पाउँदैछन् ।

प्रधानमन्त्री केपी शर्मा ओली शनिबारदेखि चीन भ्रमणमा जाने भएकाले त्यसअघि बसेको मन्त्रिपरिषद् बैठकले नै प्रहरीको ३२औं आईजीपीको टुंगो लगाएको हो ।

खापुङ हाल प्रहरीको केन्द्रीय अनुसन्धान ब्यूरो (सीआईबी) मा प्रमुख छन् ।