सुनको मूल्यमा नयाँ रेकर्ड, तोलाको दुई लाख नाघ्यो

काठमाडौं । नेपाली बजारमा सुनको मूल्यले नयाँ रेकर्ड बनाएको छ । २ लाख नाघेका कारण नयाँ रेकर्ड बनेको हो ।

आज सुन प्रतितोला २ लाख ६ सय रुपैयाँमा कारोबार भइरहेको छ । यो मूल्य हालसम्मकै उच्च हो ।

बिहीबारको तुलनामा आज १२ सय रुपैयाँले सुनको भाउ बढेको हो ।

साउन २३ गते १ लाख ९९ हजार ४ सय रुपैयाँको रेकर्ड बनेको थियो ।

आज चाँदी प्रतितोला ५ रुपैयाँ बढेको छ ।

अघिल्लो दिन २३५५ रुपैयाँ रहेको चाँदी आज २३६० रुपैयाँ पुगेको नेपाल सुनचाँदी व्यवसायी महासंघले जनाएको छ ।