माेरङ कारागारकाे शाैचालयमा महिला कैदीकाे शव

विराटनगर । जिल्ला कारागार मोरङमा रहेकी एक महिला कैदी मृत भेटिएकी छन् ।

बुधबार बिहान महिला सेलमा रहेको शौचालय भित्र झुण्डिएको अवस्थामा सुनसरीको बराहक्षेत्र नगरपालिका–६ बस्ने ३२ वर्षीया राधा भट्टराई (राधिका) मृत फेला परेकी हुन् ।

जेलर गौरब ढुंगेलका अनुसार उनलाई कर्तव्यज्यान मुद्दामा सुनसरी जिल्ला अदालतले २० वर्ष कैद सजाय सुनाएको थियो ।

२०८० साल माघ ५ गतेदेखि माेरङ कारागारमा रहेकी उनलाई जिल्ला अदालत सुनसरीले २०८१ कात्तिक ७ गते २० वर्ष कैद सुनाएकाे थियाे ।

ढुंगेलका अनुसार भट्टराईले दुई नाबालक सन्तानसहित  सप्तकोशी नदीको नहरमा हाम्फालेकी थिइन् । उनी र एक सन्तानको उद्दार भएको थियो । एक सन्तानको मृत्यु भएपछि उनीमाथि कर्तव्यज्यान मुद्दा चलेकाे थियाे ।