विप्लवको घर पुगे प्रचण्ड

ललितपुर । नेकपाका महासचिव नेत्र विक्रम चन्द ‘विप्लव’लाई भेट्न नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ उनको निवासमा पुगेका छन् ।

प्रचण्ड सोमबार बिहान ललितपुरको हरिसिद्धिस्थित चन्दको निवासमा पुगेको हुन् ।

महासचिव चन्दले प्रचण्डलाई फूल दिएर घरमा स्वागत गरेका थिए । दुई नेताबिच पार्टी एकताको विषयमा छलफल भएको बताइएको छ ।

माओवादीको स्थायी कमिटी बैठकले नेकपासँग एकता गर्ने निर्णय गरेको थियो । तर, एकताका लागि कार्यदल गठन हुन सकेको छैन ।

नेकपाले भने भदौ २२ गते बस्ने पार्टीको केन्द्रीय समिति बैठकले एकताबारे निर्णय गर्ने तयारी गरेको छ ।