सुटकेश भित्र महिलाकाे शव

रौतहट । रौतहटको गौरमा सुटकेशमा राखिएको अवस्थामा महिलाको शव फेला परेको छ । गौर नगरपालिकाको वडा– ९ मुडवलवा गेट नजिकै सडक किनारमा सुटकेश भित्र महिलाको शव भेटिएको हो ।

शनिबार राति बेवारिसे अवस्थामा सडक किनारमा डोरीले बाँधिएको सुटकेश फेला परेको थियो ।

जिल्ला प्रहरी कार्यालय रौतहटका डिएसपी राजन कार्की सहितको टोलीले आज बिहान सुटकेश खोलेर हेर्दा अन्दाजी ३० वर्षीया एक महिलाको शव भेटिएको हो ।

सुटकेसभित्र कोचेर राखेको अवस्थामा शव फेला परेको डीएसपी कार्कीले बताए । महिलाको पहिचान खुलेको छैन ।

प्रहरीले शव पोष्टमार्टमका लागि प्रादेशिक अस्पताल गौरमा पठाएको छ । घटनाका बारेमा अनुसन्धान भइरहेको प्रहरीले जनाएको छ ।