छाेरी करणी आराेपमा बुवा पक्राउ

विराटनगर । माेरङमा छोरीलाई करणी गरेको आरोपमा प्रहरीले बुवालाई पक्राउ गरेकाे छ । करिब ६ महिनायता पटक पटक करणी गरेकाे आराेपमा ४७ वर्षीय पुरुषलाई पक्राउ गरेकाे हाे ।

प्रहरीका अनुसार पीडित छाेरी नाबालिका हुन् । जबरजस्ती करणीको आरोपमा पक्राउ परेका पुरुषविरुद्ध ५ दिन म्याद थप गरेकाे मोरङका प्रहरी नायव उपरीक्षक हस्तबहादुर सुनुवारले जानकारी दिए ।

पीडितको आफन्तले दिएको जाहेरीका आधारमा बुवालाई पक्राउ गरी घटनाको अनुसन्धान थालेको प्रहरीले जनाएको छ ।