सत्तापक्षमा बस्न नाउपाको निवेदन

काठमाडौं । नागरिक उन्मुक्ति पार्टी (नाउपा)ले सत्तापक्ष बस्ने भएको छ । जसको जानकारी संसद् सचिवालयलाई दिएको छ ।

गत असार २२ गते पार्टीका सांसद गंगाराम चौधरीले सरकारलाई दिएको समर्थन फिर्ता लिएको र प्रतिपक्षीमा बस्ने भनेर निवेदन दिएका थिए ।

सोही अनुसार नाउपाका सांसदहरू प्रतिपक्षमा बस्दै आएका थिए । मंगलबार अध्यक्ष रन्जिता श्रेष्ठले सत्तापक्षमा रहने जानकारीसहित संसद् सचिवालयलाई निवेदन दिएको संसद् सचिवालयले जनाएको छ ।

नाउपामा संरक्षक रेशम चाैधरी र अध्यक्ष रञ्जिता श्रेष्ठबीच विवाद छ । चाैधरी प्रतिपक्षमा बस्ने अडानमा छन् । श्रेष्ठ भने सहरकारमा सहभागी हुने  अडानमा छिन् ।