झापामा सवारी दुर्घटनामा परी २ जनाकाे मृत्यु

दमक । झापाकाे छुट्टाछुट्टै स्थानमा सवारी दुर्घटना हुँदा २ जनाको मृत्यु भएको छ । मंगलबार दमक नगरपालिका– ७ स्थित पूर्वपश्चिम लोकमार्ग र बुद्धशान्ति गाउँपालिका– ४ बर्ने स्थित मेचि राजमार्गमा सवारी दुर्घटना हुँद २ जनाको मृत्यु भएको हो ।

प्रहरीका अनुसार मंगलबार बिहान करिब ८ बजे पूर्वपश्चिम लोकमार्गको दमकबाट पाडाजुँगितर्फ जाँदै गरेको प्र१–०२–००२ ख ०९१२ नम्बरको बन्दाकोपी बोकेको ट्रकले विपरित दिशाबाट आउँदै गरेको प्र१–०१–०१२ प ९३१२ नम्बरको मोटरसाइकललाई ठक्कर दिएको थियो ।

दुर्घटनामा मोटरसाइकलमा सवार ४२ वर्षीय मुना गौतमको घटनास्थलमै मृत्यु भएको हो । उनका श्रीमान झापाको कमल गाउँपालिका– ५ का ४३ वर्षीय सुकदेव गौतम घाइते भएका छन् ।

मंगलबार दिउँसो साढे ३ बजे इलामबाट मेची राजमार्ग हुँदै बुधबारेतर्फ आँउदै गरेको बीआर ५५८५०० नम्बरको भारतीय स्कारपियो र प्र‍ १–०१–
०१६प ३६६१ नम्बरको मोटरसाइकललाई ठक्कर दिदा चालक झापाको बुद्धशान्ती– १ का ४६ वर्षीय ठाकुर अधिकारी घाइते भएका थिए । उनको उपचारका क्रममा बीएण्डसी अस्पताल बिर्तामोड मृत्यु भएको प्रहरीले बताएको छ ।

प्रहरीले दुवै घटनामा संलग्न सवारी र चालकलाई नियन्त्रणमा लिएको छ ।