उपसभामुख हटाउने एमाले–कांग्रेसको तयारी

काठमाडौं । प्रतिनिधिसभाकी उपसभामुख इन्दिरा रानालाई पदमुक्त गर्न सत्तारुढ दल नेपाली कांग्रेस र नेकपा एमालेले तयारी गरेका छन् । उनलाई महाअभियाेग लगाएर हटाउन दुवै दलले सांसद्हरुको हस्ताक्षर संकलन गरेका छन् ।

उपसभामुख रानामाथि अमेरिका लैजाने प्रयोगका लागि भिसा जारी गर्नका लागि अमेरिकी राजदूतावासमा आफ्नो लेटरप्याडबाट चिठ्ठी पठाएको आरोप छ ।

यसअघि पनि रानामाथि हटाउने तयारी भएको थियो । तर विरोध भएका कारण यो प्रक्रिया अघि बढेको थिएन । तर पछिल्लो पटक भने उनलाई हटाउने गरी तयारी भएको हो ।

हटाउने तयारी भइरहदा पनि उपसभामुख राना अमेरिका भ्रमणमा छिन् । उनको सचिवालयका अनुसार उनी गत साउन ३० गते अमेरिका गएकी हुन् । भदौ १३ गते स्वदेश फर्किने कार्यक्रम छ ।