राधाकृष्ण रथयात्रामा ५ वटा सिक्री हरायाे, शंकास्पद गतिविधि गर्ने ५७ जना पक्राउ

विराटनगर । राधाकृष्ण रथयात्राका क्रममा विराटनगरबाट प्रहरीले ५७ जनालाई नियन्त्रणमा लिएको छ । भिडभाडमा शंकास्पद र अवाञ्छित गतिविधि गर्ने ५७ जनालाई नियन्त्रणमा लिएकाे हाे ऽ

मोरङ प्रहरी प्रमुख एसपी नारायणप्रसाद चिमरियाका अनुसार चोरी तथा पकेटमारीमा संलग्नको आशंकामा पनि केही व्यक्तिलाई नियन्त्रणमा लिइएको छ ।

प्रहरीले नियन्त्रणमा लिएकामध्ये ५३ जना पुरुष र ४ जना महिला छन् । महिलालाई भने आइतबार राति नै छाडिसकेको छ ।

नियन्त्रणमा लिइएकामध्ये कतिपयको साथबाट मोबाइल बरामद भएको जानकारी एसपी चिमरियाले दिए । नियन्त्रणमा लिइएकामाथि ‘स्क्रिनिङ’ गर्ने काम भइरहेको प्रहरीले जनाएकाे छ ।

रथयात्राका क्रममा सुनका ५ वटा सिक्री र ९ वटा मोबाइल चोरी भएको जानकारी प्रहरीले प्राप्त गरेको छ । चोरी भएका उजुरी प्रहरीमा पर्ने क्रम जारी  रहेकाे प्रहरीले जनाएकाे छ ।