चार महिनामा २ हजार ८५३ विपद्का घटना, १२६ जनाकाे मृत्यु

काठमाडौं । पछिल्लो चार महिनामा देशभर २ हजार ८५३ वटा विपद्का घटना भएका छन् । वैशाखदेखि साउन ३१ गतेसम्म भएका ती घटनामा परी १ सय २६ जनाको मृत्यु भएको छ । ५ सय ८५ जना घाइते भएका छन् ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार विपद्मा परेर २३ जना बेपत्ता छन् । ५ हजार ४१ परिवार प्रभावित भएका छन् ।

देशभर बाढीका २ सय १६, पहिरोका ३ सय १७, भारी वर्षाका २ सय २१, चट्याङका २ सय ४५, सर्पदंशका ७७ घटना घटेका छन् ।

आगलागीका १ हजार ११४, डढेलोका १ सय ५८, हुरीबतासका २ सय ७७, जनावर आक्रमणका १ सय ७२, लेक लागेको ४६, भूकम्पका पाँच, डुङ्गा पल्टेर दुई, असिना हुरी र अन्यका एक–एकवटा विपद्का घटना घटेका छन् ।