सुनचाँदीको भाउ घट्यो

काठमाडौं । नेपाली बजारमा सुनचाँदीको मूल्य घटेको छ । सुनको मूल्यमा आज (मंगलबार) तोलाको १ हजार ३ सय रूपैयाँले घटेको हो ।

आज सुन प्रतितोला १ लाख ९६ हजार ८ सय रूपैयाँमा कारोबार भइरहेको छ । सोमबार तोलाको १ लाख ९८ हजार १ सय रूपैयाँ थियो ।

आज चाँदीको मूल्य पनि तोलाको १० रूपैयाँले घटेको छ ।

भाउ घटेसँगै चाँदीको मूल्य प्रतितोला २ हजार ३ सय ५ रूपैयाँ कायम भएको छ ।

सोमबार प्रतितोला २ हजार ३ सय १५ रूपैयाँ थियो ।