सप्तरीमा प्रहरीले गाेली चलाउँदा एक जनाकाे मृत्यु

सप्तरी । प्रहरीले चलाएकाे गोली लागेर सप्तरीमा एक जनाको मृत्यु भएको छ । मृत्यु हुनेमा राजगड गाउँपालिका वडा नम्बर–२ निवासी लालु यादवको रहेको मधेस प्रदेश प्रहरीले जनाएको छ ।

राजगड गाउँपालिका वडा नम्बर–२ मा मदिरा भण्डार गरिएको ठाउँमा राती सर्च अप्रेसन चलाउँदा मदिरा तस्करसँग भएको झडप भएपछि प्रहरीले चलाएको थियो । गोलीबाट यादवको मृत्यु भएको मधेस प्रदेश प्रहरी प्रमुख उमाप्रसाद चतुर्वेदीले बताए ।

उनका अनुसार सीमा नजिकबाट मदिरा भण्डार गरी तस्करी भइरहेको सूचनाका आधारमा प्रहरी पुगेपछि तस्करसँग झडप भएको थियो ।

प्रहरीलाई घेरा हालेर ढुङ्गामुढा प्रहार गर्न थालेपछि आत्मरक्षाको लागि प्रहरीले ७ राउन्ड गोली चलाएको चतुर्वेदीले बताए । प्रहरीले ८० कार्टुन विभिन्न ब्रान्डको रक्सी बरामद गरेको जनाएको छ ।