बेपत्ता दाजु बहिनीको शव खोला किनारमा

विराटनगर । पाँच दिनदेखि बेपत्ता दाजु बहिनी मृत अवस्थामा फेला परेका छन् । पाँचथरको याङवरक गाउँपालिका–१, विरुवाका बिर्खबहादुर राईका छोरा १० वर्षीय शिशिर राई र छोरी ५ वर्षीय नानुमा राई मृत फेला परेका हुन् ।

उनीहरूको शव मगंलवार बिहान विरुवा खोला किनारमा भेटिएको जिल्ला प्रहरी कार्यालय पाँचथरले जनाएको छ ।

हराई रहेका दाजु बहिनी विरुवा खोला किनारमा छुट्टा छुट्टै स्थानमा मृत फेला परेका हुन् । बहिनीको केही तल र दाजुको केही माथि खोला किनारमा शव भेटिएको हो ।

जिल्ला प्रहरी कार्यालय पाँचथरका अनुसार, साउन १५ गते शुक्रवार विद्यालय जान हिँडेका उनीहरू त्यसपछि सम्पर्कविहीन भएका थिए ।

जिल्ला प्रहरी कार्यालय, पाँचथरका प्रहरी निरीक्षक रुपेश तामाङका अनुसार उनीहरू स्कुल भने पुगेनन ।