व्यक्तिगत घटना विवरण एक पटक सच्याउन मिल्ने

काठमाडौं । व्यक्तिगत घटना विवरण एक पटकलाई सच्याउन मिल्ने भएको छ । केही नेपाल ऐनलाई संशोधन गर्दै सरकारले अब व्यक्तिगत घटना विवरण सच्याउन मिल्ने बनाएको हो ।

राष्ट्रिय परिचयपत्र तथ पञ्जिकरण ऐन २०७६ मा बालबालिकाको जन्मदर्ता एक वर्षभित्रमा सच्याउन मिल्ने व्यवस्था गरेको थियो । उक्त व्यवस्था पनि २०७६ सालभन्दा पछि जन्मिएका बच्चाहरूका हकमा मात्रै लागू थियो ।

संशोधित ऐनअनुसार अब एकपटकका लागि सबै विवरणमा एक पटक नाम सच्याउन मिल्नेछ ।

‘कुनै व्यक्तिगत घटना दर्ताको विवरणमा उल्लेखित नाम, थर, उमेर वा अन्य विवरण सच्याउनुपरेमा सम्बन्धित व्यक्तिले एकपटक स्थानीय पञ्जाधिकारीको कार्यालयमा तोकिएको ढाँचामा निवेदन दिन सक्नेछ ।’ संशोधनमा भनिएको छ ।